CERTIFICATE OF ATTENDANCE

Դպրոցի հատուկ մանկավարժ Հեղինե Արզումանյանը հոկտեմբերի 9-11-ը մասնակցել և ելույթով հանդես է եկել  ք. Մոսկվայում տեղի ունեցած երիտասարդ հետազոտողների «Չտեսնող և չլսող» առաջին միջազգային կոնֆերանսին:

Գիտելիքի օր

Ջերմորեն շնորհավորում ենք գիտելիքի և դպրության տոնի առթիվ: Թող նոր ուսումնական տարին լինի կրթադաստիարակչական գործընթացի առաջանցիկ կազմակերպման և հետագա ծրագրերի իրականացման տարի:
Բարի գալուստ 2018-2019 ուսումնական տարի

Ծնող-մասնագետ-ուսուցիչ համագործակցություն

Ծնող-մասնագետ-ուսուցիչ կապն ամրապնդվում է մշտապես տեղի ունեցող քննարկումներով:

Տեղի ունեցող ՄԱԾԱՊ (մանկավարժահոգեբանական աջակցության անհատական պլան) և ԱՈՒՊ-ի (անհատական ուսուցման պլան) քննարկում, տարվա արդյունքների վերլուծություն և ամփոփում: 

Տարեվերջյան հանդես 1ա դասարանում

Միջոցառումն անցկացվեց յուրօրինակ ձևով: Բեմում ելույթ ունենալու փոխարեն միջոցառումը սկսվեց դասարանից, տառաճանաչ դառնալու համար երեխաներն իրենց երախտագիտությունը հայտնեցին զինվորներին և ոսկեղենիկ տառերով առաջին նամակը գրեցին՝ նրանց փառք ու պատիվ մաղթելով: Միջոցառման նպատակը հարազատ օրրանը աշխարհին ներկայացնելն էր: Աշակերտները առաջինն այցելեցին ապրիլյան պատերազմի զոհվածների հուշարձան, թարմ ծաղիկներ դրեցին հուշաքարին և եռագույնի գույներով փուչիկների վրա գրված հերոսների անունները օդ բարձրացան: Նրանք ցավում, բայց, միաժամանակ, հպարտանում էին: Հաջորդ այցը երկրաշարժի զոհվածների հուշարձանն էր.նրանք ծաղիկներ դրեցին և հիշեցին զոհված հասակակիցներին: Հաջորդ այցը Գարեգին Նժդեհի, Անդրանիկ Զորավարի կիսանդրիներն էին: Երեխաներն առաջին անգամ ոտք դրեցին Սերո Խանզադյանի, Ակսել Բակունցի տուն-թանգարանները, հիշեցին Գորիսը ներկայացնող գուսանին՝  Գուսան Աշոտին: Երթը շարունակվեց Յոթ աղբյուր հուշակոթողը և հետաքրքիր ձևով ներկայացվեց նրա պատմությունը, Գրիգոր Տաթևացու նորակառույց հուշարձանը, որն առանձնակի հետաքրքրություն առաջացրեց երեխաների մոտ: Վերջին հանգրվանը Գրիգոր Լուսավորիչ եկեղեցին էր, որտեղ երեխաները մոմ վառեցին, ստացան Աստծո օրհնանքը և Մեսրոպ Մաշտոցի պատգամները: 

Բարի գալուստ Բարեկենդան տոնավաճառ

IV դասարանում իրականացրեցինք ովքեր են արտադրողները, վաճառողները, ինչ է շուկան:
Դպրոցի բակում կատարեցինք «Բարի գալուստ Բարեկենդան տոնավաճառ», երեխաները բիզնես գաղափարներով իրենց պատրաստած  ապրանքները վաճառքի հանեցին և առաջ բերեցին իրենց  նախասիրությունները և հետաքրքրությունները՝ օգտագործելով բիզնես գաղափարներ, բիզնես էթիկա, աշխատանքային էթիկա:
Իրականացրին բիզնես պլանի ամբողջական կառուցվածքը՝ հասկանալի և պարզ, այնպես, որ ցանկացած տեսնող կարողանա հեշտությամբ գտնել իրենց հետաքրքրող հարցերի պատասխանները:

Ուսուցիչ՝ Մ. Քարամյան

1 2 3 6